Om te maak of jy glo

In retrospek voel ek ‘n versoeking om te dink dat ek al daardie jare in die kerk bloot gemaak het of ek glo.  Ek dink nie dit is waar nie.  Miskien was ek nie heeltemal gemaklik met die idees nie, maar daar was ‘n opregte oortuiging dat dit “korrek” was om ‘n Christen te wees.  Dit was nie die geval dat ek vermoed het dit is alles onwaar nie.  Ek kon dit nie verstaan nie, en na ‘n paar mislukte pogings om dit wel te verstaan het ek begin stilbly om myself die verleentheid te spaar.

Dit is anders wanneer jy eers mooi daaroor gedink het.  Iemand wat opreg oor godsdiens dink sal óf genoeg rede vind om te glo, of min genoeg om te weet hy glo nié.  Ek dink nie ek het nodig om te verduidelik aan watter kant van die lyn ek is nie.  Nou is daar net een eerlike ding wat ek kan doen.  Hier praat ek.  Ek kan nie anders nie.

As ek sou stilbly hieroor, sou die mense rondom my steeds maklik aanneem dat ek ‘n Christen is.  Wanneer ateïste stilbly, lyk dit asof daar heelwat meer gelowiges in die wêreld is.  Dit is veral waar in ‘n gemeenskap waarin godsdiens ‘n groot rol speel, soos wat die geval is in die meeste Afrikaanssprekende gemeenskappe.

Die opinie dat geloof in die bonatuurlike en godsdiens skadelik vir die samelewing is, is een wat nie dikwels in Afrikaans uitgedruk word nie.  Hierdie blog is my bydrae.  Ek besef dat ek mense omkrap, maar ek dink dit is belangrik genoeg om dit die moeite werd te maak.  Solank ons as ‘n gemeenskap bereid is om die wêreld te interpreteer volgens hierdie of daardie idee oor iets wat nie kan bewys word nie, volg ons ‘n padkaart wat ons nooit by die waarheid kan bring nie.

Dit maak die pad oop vir dwaalleiers, vir swendelaars, vir opportuniste.  Vir doomsdayers se tragiese berusting, vir ekstremiste se geweld. Vir meerderwaardigheid, en regteskendings.

Noudat ek dít weet, is my stilte nie meer verskoonbaar nie.  Ek maak nie meer die aanname dat ander mense noodwendig beter as ek kan verstaan nie.   Dit is moontlik om sommige dinge met ‘n redelike sekerheid te weet.  Dit is moontlik vir miljoene mense, baie van hulle hoogs intelligent en selfs geleerd, om vals geloofsoortuigings te hê.

Nou dat ek weet wat my stilte beteken, kan ek nie met ‘n goeie gewete anders as om hieroor te praat nie.  Ek hoop ek kan ‘n rol speel in ander se soektog na die waarheid.  Elke keer wat ek vra “hoe weet jy dit is waar?” wanneer iemand ‘n bewering maak oor ‘n god, sien daardie persoon dat nie almal oortuig is nie.  Iemand wat dít hoor, en self nog moet besluit watter kant van die glo-lyn hy gaan wees, sal dan darem ook weet daar is geselskap aan die ongelowige kant.

Advertisements

Published by

Apostaat

Eks-christen, nou geloofsvry. Altyd bereid om ander se standpunte in ag te neem. Ek wil graag 'n gesprek voer oor geloof, kennis en oortuiging. https://www.facebook.com/Apostaat/

One thought on “Om te maak of jy glo”

  1. Ek het die skille van my oë af gepluk van ‘n jong ouderdom, dit is net so frustreerend om te sien hoe so veel mense vas gevang is in geloof en die skade wat dit maak. Dit is ook baie interesant wanneer ‘n mens dieper in die mitologie kyk wat aan gaan. Dit was baie interesant om te sien hoe die Zeitgeist mense all die Abrahamiese godsdienste ge-deconstruct het, hier is ‘n link https://youtu.be/GNXTEMnpmb8.
    Dis goed dat mense soos jy probeer ‘n verskil maak deur mense se oë bietjie te laat rek.
    Die Afrikaaner klomp is maar nog ‘n stoere lot.

    Like

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s